Kosningaáherslur
Kex framboðs
2022

Nýtt íþróttahús á Höfn fari í forgang við uppbyggingu á miðsvæðinu.

Byggð verði upp aðstaða til íþróttaiðkunar í Suðursveit og Öræfum og aðstöðu á Mánavelli verði viðhaldið.

Efla samstarf við ungmenna- og íþróttafélög í sveitarfélaginu.

Gerð verði framtíðaráætlun fyrir Grunnskóla Hornafjarðar og húsnæði hans.

Horft verði til langs tíma við uppbyggingu á leikskólanum Sjónarhóli og haldið verði áfram með þá viðbyggingu sem nú er fyrirhuguð.

Efla tómstundastarf ungmenna í sveitarfélaginu öllu.

Tryggja aðgengi að fjölbreyttum útivistar- og leiksvæðum sem taka mið af margbreytileika samfélagsins.

Byggð verði upp aðstaða fyrir kayakróður, þ.m.t. bátaskýli.

Endurskipuleggja aðkomu sveitarfélagsins að íþrótta- og tómstundastarfi barna með það að markmiði að öll börn geti verið þátttakendur í fjölbreyttum íþróttum og fjölbreyttu tómstundastarfi, óháð fjárhagsstöðu forráðamanna.

Upplýsingaflæði til íbúa með annað móðurmál en íslensku verði aukið til muna.

Auka upplýsingaflæði og þátttöku almennings. Þetta má framkvæma með aðgengilegri heimasíðu, reglulegum könnunum og fundum með íbúum, kynna ný verkefni strax í upphafi, aðgengilegri fundargerðum og fleiri þáttum.

Ráðinn verði mannauðsstjóri til sveitarfélagsins sem yrði með starfsstöð í sveitarfélaginu.

Þarfagreining verði framkvæmd á störfum starfsfólks sveitarfélagsins til að gæta þess að álagið sé sanngjarnt.

Koma á hagsmunaskráningu kjörinna fulltrúa sem verði opinber og aðgengileg.

Stjórnsýslan starfi í samráði við íbúa, sbr. fjölmenningarráð, ungmennaráð, öldungaráð og fleiri.

Bæjarstjóri verði ráðinn í faglegu ferli, hvort sem er í gegnum formlegt ráðningaferli eða skipaður að uppfylltum fyrirframákveðnum skilyrðum er varðar menntun, hæfni og reynslu.

Jafnréttis- og umhverfissjónarmið séu tekin inn í allar ákvarðanir.

Farið sé skynsamlega með fjármuni, sérstaklega á fyrstu stigum verkefna.

Tryggja íbúafundi í það minnsta tvisvar á ári til samráðs og upplýsingar.

Skapa rafrænan vettvang til samráðs, til dæmis í gegnum íbúagátt á vef sveitarfélagsins.

Umhverfis- og loftslagsmál verði í forgrunni í allri ákvarðanatöku sveitarfélagsins.

Stofnanir sveitarfélagins taki þátt í umhverfisstarfi sambærilegu Grænum skrefum ríkisstofnana.

Endurskoða fyrirkomulag á umhverfis- og skipulagsnefnd til að tryggja að málefni fái markvissari umfjöllun.

Íbúum og fyrirtækjum, í öllu sveitarfélaginu, verði gert auðveldara að flokka sorp á ábyrgan hátt.

Farið verði í frekari uppbyggingu og endurbætur á göngu-, hjóla- og reiðstígum í sveitarfélaginu.

Einstaklingar, fyrirtæki og stofnanir fái stuðning og fræðslu til þess að efla umhverfisvitund og stuðla að umhverfisvænni lífsstíl og rekstri.

Umhverfisvænum samgöngumátum verði forgangsraðað í öllu skipulagi.

Farið verði í uppbyggingu grænna svæða víðsvegar um sveitarfélagið með fjölbreytta nýtingarmöguleika í huga, hvort sem er til útiveru, leikja eða ræktunar. Auka þarf aðgengi að þessum svæðum t.d. með gerð útivistarkorts.

Framtíðarsýn varðandi skipulag í sveitarfélaginu verði hugsuð heildstætt, til langs tíma og með fjölbreyttar þarfir í huga.

Tryggt verði samtal við íbúa varðandi framtíðarskipulag á þjóðvegum. Kex mun beita sér fyrir því að farið verði í úrbætur á vegum til þess að stytta leiðir og auka umferðaröryggi.

Aðkoma íbúa að skipulagsmálum og ákvarðanatöku verði aukin, sérstaklega á forstigum.

Upplýsingar um framkvæmdir, bæði fyrirhugaðar og þær sem eru í gangi, séu aðgengilegar íbúum á skýran og einfaldan máta.

Stuðlað verði að uppbyggingu á fjölbreyttu íbúðarhúsnæði, meðal annars með nógu lóðaframboði. Niðurstöður íbúafundar sem haldinn var 15. september 2021 verði lagðar til grundvallar.